Popular Bible Verses from Joawh 8

Share

Ayteke ig awna gitkis neras hiyeg akiw. Giwn: — Nah kewa paha abukribe gidahankis madikte hiyeg amadgayavu inin. Ku pahavwi wew nukakuh, nah uguh gihiyekemni kahadbe in ka misakwa ke wotbe abet amisnavyebe akiw. Ayge nikwe ik adahan ig hiyak ku pariye hiyakemniki inyewatnene. Nikwe ig aymuhwa gimun Uhokri adahan avanenekwa.

Ayge nikwe yis hiyaknek ku pariye hiyakemniki inyewatnene. Amun ini yis isahptawnek.

Ayteke ig awna gitkis neras ihpenevwi giwn: — Ku yis ihpenene nuwnuh, nikwe yis inyewa nuhiyegavu.

Nah Uhokri gikamkayh. Ku aysaw nah keh yis isahptaw ariw ini bukitka, ayge nikwe hiyawa yis miniw ariw madikte yikehni mbayka. Avim ini yis inyewa isahptaw. Nikwe yis ik adahan yis humaw Uhokri gikamkayuvwi adahan yis aymuhwa gimun adahan avanenekwa.

Igkisme kavusa ayaptevgi akiw. Ayge nikwe ig kannikase gitew, ig awna gitkis: — Ku pariye yaytak yumanene gitaraksan, hiyawa igkit padakgu.

Igme kaytwa giwnkis: — Ku pahavwi taraksevye, nikwe ig kewa ibuktibe. Pahavwi ibukti ka hiyap igma pes ariw gannivwi gidahan gikivara. Ku pariye hiyeg taraksevye kawnata hiya igma miniw ariw gikehni mbayka. Ihanabay inakni nuwnuh. Henewatbaki in.

Ayteke ig kannikase gitew, ig hiyap egu tino gudukwenewa ayge givetun. Ig awna gut: — Kiyavuno, kineyki neras pikamyehpitnivwi? Mmah yuma pahavwinema pivedketni? Egme kaytwa giwn: — Yuma, Kiyavwiye. Igme awna gut: — Nah hawata, nah kawnata padakpita. Hiyawa pis tivik diyuhe pivinwat. Heneme ka ba taraksa akiw.