Popular Bible Verses from Luk 17

Share

Naasokoo: “Lito, kaay, káyinan ka kitii kúkuuñanuu.”

Niŋ amuuyenaa ti awe ñiyema isak niŋ ñésupak ti hinoom ha hoonool ha, náañohoonii ti awe ñiyema isak niŋ ñésupak kaaluum kaaponket, aañaŋoo kaaponket.”

Akee ti poko, ápipanum nii ákuuñaneekuuñan, náañohoonii ti wootoo, naayeno hímulu Pútuun pa niŋ kaawiiluyoo. Naanow ti woot Yéesu, puhooŋuyoo t’etaam, naasokoo apalaka. Antuŋ ati Samali.

Nisiiŋo púsooni! “Niŋ atii ya amuuyenaa, watanoo, niŋ awatanooliyaa mponketoo.

Yéesu naacakan: “Fo ŋaasuwan ya púlooŋ tom ekuulanee? Isak ya niŋ pakapaakiil paka peyme nkayem?

Ateeteyo naañahanii: “Niŋ nitaakaa káyinan keefomut nii ekoon sootoo, níyiniyini hisoku enuun eyyuu: 'Lúpinoolo nkaasiiŋanoolo ti musuu,' éfeehin eeha innisoke ha.

Aŋa éelafiye kafakan eloŋ ya eteyoo, áfaapuul teyyo, aŋa éepuule ti eloŋ ya eteyoo afaafakan yo.

Yéesu naasok pinapana pa pakateyoo: “Fan óo fan incuke, efitaak waah weekaakaay kanakan an ti kaamuuyen, pale kúnuul efikiyeno ti aŋa éfuunapii ya teyoo. Fisaka apicenkee ti ekun énankiin enfakat naawantee ti musuu le niŋ afaanakan akee ti kenkilis ka payenke ti kaamuuyen.

“Samat nii fa intaakiye fa ti caanak ca citi Nowe, fo lompo nkaakaay pitaako ti kunoom ka kiti inci, Añii An. Pakan paka nkayeno hili, pálaani, esa niŋ pinimo fo ti hinoom eeha Nowe náayuukiye ha ti piteen pa penfakat pa. Fiye, etiil ya néenupii man menfakat fo mumukalii púlooŋ cew.