Popular Bible Verses from Jɔn 21

Share

Belaa baa di kwaa tonɛ la, o bɔɔ Seemɔn Pita ŋɔ, “Jɔn bie Seemɔn, he dɛ nyin mɛ dɛ ɡwaa banɔ nɔ naa?” Anee Pita ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu berɛ ŋɔ, “Dɛɛ nyiŋi n pebiiri nɛ.” O berɔ pɛɛro nɛɛtena ŋɔ, “Jɔn bie Seemɔn, he dɛ nyin mɛ naa?” Anee o ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu ŋɔ, “Dɛɛ nyiŋi n peera nɛ.” Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Kasinteŋ, n dɛ ŋɔ he be, he fa aa ɛ bonɔɔ la, he won kiriso vɔwa dɛ́ kaa bela bwa haa dɛ nyin. Kɛ dɛ he baa hwɛɛhraa, hɛɛ tɛr nɔɔraa ásɛ nomɛl vɔrɔwe dɛ́ kaa he ne bela haa wola nyin laŋa.”

Asɛ o ŋɔ, “Hé ta asau la ta ɡbera la diɡ bɔr, hɛɛ dɔ anee.” Belaa ba ta do bela, asɛ asau la lawɛ pɛŋa kohona, ba ta wone tɛro do ɡbera la bini.

Asɛ Seemɔn Pita ŋɔ o bala la be ŋɔ, “N dɛ la ń ka ta asau.” Anee ba ŋɔ, “Amɔ te ya ne hɛɛ lao.” Asɛ ba bwa ka jo ɡbera bini dɛ ka ɛ toma tɔɔ ba per, dɛ ba ta komɛlbwa dɔe.