“Yuwalk yana ŋarra yurru djuy'yundja nhumalaŋgu djawarrkmirrinha yolŋunha Yelatjanha yäkunha, ŋayi yurru marrtji ŋäthilinydja, ga yurruna ŋunhiyinydja walu Garraywunydja yurru buna, ŋunhiyinydja ŋunhi ŋayi yurru Godthu warrpam'thunna baḏuwaḏuyun yana yätjnhanydja ŋunhi, ŋuriŋina nhanukalay ŋayi bathalayuna wal'ŋu ganydjarryu. Yo, ŋuriŋiyi djawarrkmirriyunydja yurru bilmarama ŋayaŋuna ŋunhinha bäpa'mirriŋunhana walalanha, märr yurru walala yuwalkkuma yana märryu-ḏapmaramanydja walalaŋguway walala yumurrku'nhanydja. Ga bitjandhi liŋgu ŋayi yurru bilmaramayi ŋayaŋu ŋunhinydja walalaŋguway yumurrku'nhanydja, märr yurru walala yuwalkkuma yana märryu-ḏapmarama märr-ŋamathirrinydja wal'ŋu walalaŋgalaŋuwu ŋäṉḏi'mirriŋuwunydja walalaŋgu ga bäpa'mirriŋuwunydja. Ŋuli walala yurru yolŋu'-yulŋu yakanydja bilyun ga nhina waŋganyŋuranydja, ŋuriŋi bili ŋarrakalanydja romdhu, bala dhuwalanydja wäŋa yurru baḏuwaḏuyunna yanana, warrpam'thunna yurru, ŋulinyaramirriyunydjayi waluyu ŋunhi ŋarra yurru marrtji lili.” Ga bitjarra ŋayi Garray waŋananydja.
Ga dhuwalanydja dhawar'yunna yukurra Malakaywuŋunydja dhäwu'.