Popular Bible Verses from Mak 14

Share

Yesu axwa si, “Abba, Mɔka! Kidɔ kakaa kilí plɔplɔ ɛki wɔ. Ki tɔ kuyeʋiyeʋi yo kaŋwɛpliʋia lia kàdɔ mɛ ɔza. Pɔ̀ aní ní mɛ kupɛpɛɔ onu u, boŋu ní wɔ kupɛpɛɔ onu.”

Lɛ agba ba si, “Mleze ni aŋu atɔ mlaxwa Aya tɔ mlakíwɔli ku ní kufekedi me e. Ɔfuɛfuɛ nɔ ɛɛdimɛ, pɔ̀ kisugyaɛ kiibotsò o.”

Lɛ mɛɛsi mlɔ anukwarɛɛ si, ɔkɔ kakaa gi biapani Liboe Gbã nɛ ní kelea petee me e, biabu ɔdzɛ liɛ yɛ kiboebitɛɛ kubasɛ gi biakɔ zɛplɛ aŋu ní yɛ aʋa a.”

Lɛ asi ba si, “Mɛ ɔna nɔ ɛɛmɔ kuyeʋiyeʋi glegle gi míhatse e. Mleze ní ya tɔ mleze ni aŋu.”

Gi bɛzɛŋa bidɔ mɛ ɛ, Yesu akɔ liklã̀ nɛ, lɛ edo Aya ɖase ní lɛ aʋa xe ayaʋi lɛ ɛ. Lɛ akɔ lɛ aki yɛ badɔkpasi ba a, lɛ asi ba si, “Mlazi lɛ ata a! Mɛ kisugyaɛ kɛ ya a!”

Lɛ kede e, akɔ kaŋwɛpliʋia lɛ edo Aya ɖase e, xe akɔ ka akpɛ ba awla ɛ. Lɛ ba pɔ́ bɛŋwɛ ní ka onu i. Yesu asi ba si, “Mɛ ika lɛ gi bɛbali ní banɔ glegle ba ligbã nɛ kuzɛɛzɛ lɛ ya a. Mɛ ika lɛ gi bɛkɔ ɛnya Aya yɛ kutrɔtrɔ onu lɛ ya a.

Lɛ Yesu asi ba si, “Mlɔ pɔ́ mlɛtrase eyurɔ mɛ lɛ ese linu si Aya liboe le liipani iplɛ si ‘Aya aaye ɔgagbanɔ yɛ, kɔ iʋesi le pɔ́ ise hle e.’

Mlayɔ tɔ kusɛ. Ɔniliɛ gi ɛɛkpɛ mɛ awla ɛ, imɔ yɛ!”

Yesu asi Petro si, “Mɛɛsi wɔ anukwarɛɛ si, xe ableke ɔkukɔ lɔ aamè kuʋlaa olezatɔ nɔ̀ ɛ, wɔanada tatá si wote me e.”