Popular Bible Verses from Mak 12

Share

Lɛ Yesu ebu le onu si, “Ɔsãa nɔ gi ɛsaɛ veve petee, lɔ onu si, ‘Israel, ta kutu! Ɔkaɛ gi onu blɔ Aya ɛ, Ɔka tole ko onu. Lɛ loso e, lɔ Ɔkaɛ Aya nì wɔ ɔna nɔ petee, ni wɔ esobo la petee, ni wɔ kugyodi yo petee ni wɔ isu ya mɛ kigaglaɛ petee.’ Ɔsã ʋla lɔ gi ɛgbani lɔ ɛkpɛ ɛ, lɔ onu si: ‘Lɔ wɔ ɔhanuglɔɛ ŋwisi wɔ tutɔ wɔ isu ya kinɛ ɛ.’ Ɔsã ɔtɔtɔ ɔma kunyipu isani isã tiʋa ɛlɛ ya a.”

Lɛ Yesu axwa yɛ badɔkpasi ba akpɛ likpɔ lɛ asi ba si, “Mɛɛsi mlɔ ní anukwarɛ mɛ ɛ, si ɔdzɛ opiplinete liɛ ya yɛ kagyɔa kɛsrɛ sani banɔ gɔgɔ ba petee ba kanìa. Apani si, banɔ gɔgɔ ba kɔ ɛ, bɛgyɔ kibɔɛ ní ba exomɔmɔ la onu. Pɔ opiplinetee kɔ ɛ, akɔ yɛ ligbã nɛ mɛ exo la petee akɔ.”

Agi Yesu eze ní niklɔ gi bizɛɛgyɔ kibɔɛ ní Lisɔligba lɛ mɛ ɛ, evu aŋu ní ba bibɔgyɔgyɔ ʋɛ su. Amɔ si bexonete gegle bɛzɛgyɔ kibɔɛ ní ba exomɔmɔ la onu. Ɔdzɛ opiplinete ɔtɔ gi yenye etse e, aba lɛ agyɔ kɔba tiaʋa ɛ.

Lɛ tɔ lɔ Aya nì wɔ ɔna nɔ petee e, ni wɔ kugyodi yo petee, ni wɔ isu ya mɛ kigaglaɛ petee, ani tɔ lɔ wɔ ɔhanuglɔɛ ŋwisi wɔ tutɔ wɔ isu ya kinɛ ɛ, bilɛ veve sanɔ si tɔ kɔ baga, bidɔkɔkɔ ni bidɔpɔʋipɔʋi ʋɛ kí Aya.”

Lɛ Yesu asi ba si, “Kɔlɔ mlakɔ kidiliɛ gi kinu Kaisaro kiniɛ mlakɔ kɛ aki Kaisaro, tɔ kidiliɛ gi kinu Aya kiniɛ ɛ, mlakɔ kɛ aki Aya.” Niteme si litu ba kugyɔ.