Popular Bible Verses from Yohan 14

Share

Kusuyɔ mɛ yurɔ ɛki mlɔ; linu mɛ ɔtutɔ mɛ kusuyɔ gi maki mlɔ ɛ. Máki mlɔ kɔ kiliɛ gi kelea mɛ kizɛɛki mlɔ ɔ. Mlamɔ ɔna tɔ mlakípisa; mlakíse lifu u.

Yesu ebu le onu si, “Mɛ menu kudeo, anukwarɛɛ, ani ligbã́ nɛ: ɔnɔnɔ ɔʋítrɛ ní Kaka Aya kɔ ɔ, xe ɔ́ga mɛ aʋa a.

Yesu asi yɛ badɔkpasi ba si, “Mlamɔ ɔna lɛ mlakípisa a, mlazi Aya aʋa aŋa, lɛ mlazi mɛ fɛ aʋa aŋa.

Pɔ̀ Ɔpɔnɔpɔnɔɛ, Ɔfuɛfuɛ Dradra lɔ, gi Kakaa Aya aatsisi ní mɛ linyi ne me e, aabasɛ mlɔ kidɔ kakaa, lɛ aaki mlaaplɛ aŋu ní eboa la pɔ́ gi masi mlɔ ɛ aʋa a.

“Banama gi bɛzi mɛ isã nɛ ɛ, xe bɛbitɛ ní lɛ aʋa ɛ, ba benu banama gi bɛlɔ mɛ ɛ. Mɔka aalɔ banama gi bɛlɔ mɛ ɛ. Mɛ fɛ maalɔ ba, lɛ maabu isu basɛ ba a.”

Lɛ maaʋi Kaka, lɛ aaki mlɔ Ɔpɔnɔpɔnɔ dzedze e, gi aaze ní mlɔ su kɔtsinɔ kanɔmɛ anɔmɛ ɛ. Yɛ onu Ɔfuɛfuɛ nɔ gi izeebu anukwarɛɛ basɛ ní Aya su u. Kelea mɛ katrátani yɛ kuzɛ ɛ, lɛ ese linu si katrátani yɛ kumɔ loo yɛ kute e. Pɔ̀ mlete ye, lɛ ese linu si ɔlɛ nì mlɔ lɛ ɔkpasi ní mlɔ mɛ ɛ.

Lɛ maabitɛ kidɔ kakaa gi mlaʋi ní mɛ linyi ne me e, tɔ Obi ye aakpɛ kukɔkɔ ní Kaka Aya su. Xe mleʋi me kidɔ kakaa ni mɛ linyi ne me e, Maabitɛ kɛ.

Xe mlɛlɔ mɛ ɛ, mlaabitɛ ni mɛ isã nɛ aʋa.

Bagbáke ʋa besrɛ ní Mɔka kepea mɛ, lɛ mɛɛtrɛ tɔ mizɛɛlulɔ ozekɔ ɛki mlɔ. Mátrado le ɛsi mlɔ ɔ, xe gi líma lɛ mɛ ɛ.

Lɛ xe malulɔ oze klɔ aki mlɔ pɔ́ ɛ, maadziba ɛgbani mlɔ tsinɔ ní mɛ isu ya su, tɔ mlɔ fɛ mlaaze niklɔ gi malɛ ɛ.

Toma asi Yesu si, “Ɔkaɛ, kúte niklɔ gi wɔɛtrɛ ɛ; lɛ kitɛ kwiate kudeo gi kwitrɛ ní klɔ na a?”