Popular Bible Verses from Luka 6

Share

Mi wunu, wun daŋ obino miyo baŋwu. Obino pimmiwu i gwata aber, ame odio, ame oyeŋo, ame aony aonya. Pien kit gin ame ipimo wunu kede, en ame daŋ obino pimmiwu kede.”

Dano aber kwanyo gin aber i akina jami abeco ame en okano i cunye, dano arac kwanyo gin arac i akina jami areco ame en okano; pien dog dano kobo gin ame opoŋ i cunye.

Ento mar wunu okworwu, tim wunu gin aber, miu banya kun mom igeno wunu ni obino culliwu doki. Mot me pwoyowu bino bedo abup, dok ibino bedo wunu itino a En Amalo Meicel; pien en ber baŋ jo a mom pwoc, kede baŋ jo areco.

Bed wunu i kica, acalo Papawu en akica.

“Kur iŋol wunu kop, wun daŋ mom obino ŋolliwu kop. Kur iŋol wunu kop loo jo, wun daŋ mom obino Ŋolo kop loowu. Tim wunu jo kica i balgi, wun daŋ obino timowu kica i balwu.

“Ento an akobo baŋwu, wun jo a winyo koppa, ni, Mar wunu okworwu, tim wunu ber baŋ jo a dagwu, lam wunu winyo i kom jo a cenowu, kwa wunu Obaŋa pi jo a yetowu.

Kite ame imito wunu ni jo timwu kede, wun daŋ tim wunugi amannono.

Dano ame obapo lemi tuŋ cel, lokke tuŋ ocele daŋ obapi; ŋat omao kanyini, kur daŋ itwonne kotini. Jo luŋ ame kwai, migi, ŋat ame mao jamini, kur dok ipenye.

“Pien mom tye yattoro aber ame dok te nyako nyige areco, kadi yat arac ame dok te nyako nyige abeco

pien yat acel acel ŋeye i kom nyige. Ibuu mom opwono i kom oryaŋ, olok daŋ mom opwono i kom laŋo.