Popular Bible Verses from Yôhan 19

Share

Tơ Yêsu mơñum laih ia tơpai mơsăm, Ñu laĭ: “Abih bang bruă giơ̆ng laih!” Laih anŭn Ñu kŭp akŏ, tơĭ pran.

Giơ̆ng kơ tơlơi anŭn, Yêsu thâo abih bang bruă hmâo giơ̆ng yơh, kiăng ngă krĕp djơ̆ Tơlơi Ơi Adai pơhiăp čih laih, Ñu laĭ: “Kâo mơhao.”

59 Yêsu ƀuh amĭ Ñu hăng ding kơna pô Ñu khăp hlăk dŏ jĕ, Yêsu laĭ kơ amĭ Ñu: “Ơ amĭ, anai jing ană đah rơkơi ih!” Laih anŭn Ñu laĭ kơ ding kơna anŭn: “Anai jing amĭ ih” Mơ̆ng mông anŭn ding kơna anŭn jak ba HʼMari glaĭ pơ sang ñu pô.

Samơ̆ tơ gơñu nao jĕ pơ Yêsu gơñu ƀuh Ñu djai laih, hnŭn yơh ƀing tơhan ƀu taih joh klang thông Yêsu ôh. Samơ̆ hmâo sa čô amăng ƀing tơhan klaŏ ƀơi djeo Ñu hăng tơbăk laih anŭn drah hăng ia ƀlĕ mơtam.

Hơdôm tơlơi anai hmâo truh kiăng kơ krĕp djơ̆ tui hăng Hră Ơi Adai Pơhiăp hmâo čih laih: “Ƀu hmâo ôh sa ƀĕ klang Ñu či joh hĭ.” Laih anŭn hmâo Hră Ơi Adai Pơhiăp tui anai dơ̆ng: “Gơñu či lăng kơ pô gơñu hmâo klaŏ laih.”

Yêsu tơbiă nao, glăm kơyâo bơrơkal Ñu pô truh pơ anih Klang Akŏ, arăng pia amăng tơlơi Hêbrơ Gôlgôtha.

Ƀing tơhan mơñam sa boh mŭk pơtao ngă hăng drơi, hăng đua brơi ƀơi akŏ Yêsu. Laih anŭn gơñu mă ao phyung mriah buh brơi kơ Yêsu.