Popular Bible Verses from Bruă Mơnuă 7

Share

Tơdang gơñu glŏm boh pơtâo kơ Êtiên, Êtiên iâu laĭ tui anai: “Ơ Khua Yang Yêsu, rơkâo kơ Ih tŭ mă bơngăt kâo.” Êtiên tŏ tơŭt hăng ur kraih kơtang: “Ơ Khua Yang, anăm yap tơlơi soh anai kơ ƀing gơñu ôh!” Giơ̆ng ñu pơhiăp tơlơi anŭn, gơ̆ pĭt yơh.

‘Khua Yang laĭ, Adai jing gre pơtao Kâo, Laih anŭn lŏn tơnah jing hnăl tơkai Kâo juă. Sang pă ƀing gih či pơdơ̆ng brơi kơ Kâo, Ƀôdah anih pă jing anih brơi Kâo dŏ pơdơi?

Samơ̆ gơñu ur kraih kơtang, kơđơ̆l hĭ amăng tơngia gơñu, laih anŭn hrŏm hơbĭt gơñu blŭng nao mă Êtiên, gơñu dui hrơ̆t ba gơ̆ pơ gah rơngiao plei laih anŭn glŏm boh pơtâo kơ gơ̆. Ƀing ngă gơ̆ng jơlan pioh sum ao gơñu ƀơi tơkai sa čô tơdăm anăn ñu Sôl.