Popular Bible Verses from Banzembo 34

Share

Tango bato ya sembo babelelaka, Yawe ayokaka mpe akangolaka bango na pasi na bango nyonso.

Boya kosakola elongo na ngai ete Yawe azali monene ! Tonetola Kombo na Ye, biso nyonso.

Yawe azali pene ya bato oyo bazoki na mitema mpe abikisaka ba-oyo balembi na milimo na bango.

Anjelu ya Yawe atongaka molako na ye zingazinga ya bato oyo batosaka Yawe, mpe akangolaka bango.

Nalukaki Yawe, mpe ayanolaki ngai ; akangolaki ngai na somo na ngai nyonso.

kasi Yawe apesaka bato mabe mokongo mpo ete bakanisa bango lisusu te kati na mokili.

Mobola agangaki, mpe Yawe ayokaka ye ; abikisaki ye na pasi na ye nyonso.

Batela lolemo na yo mosika na mabe, mpe bibebu na yo ete eloba lokuta te.

Nani asepelaka na bomoi ? Nani alingaka kobika mikolo ebele ya esengo ?

Zala mosika na mabe mpe sala bolamu, luka kimia mpe koba na yango.

Tika ete bomoi na ngai emikumisa kati na Yawe ; tika ete banyokolami bayoka mpe basepela !