Popular Bible Verses from Banzembo 143

Share

Lakisa ngai kosala mokano na Yo, pamba te ozali Nzambe na ngai. Tika ete Molimo malamu na Yo atambolisa ngai na mabele oyo ezanga mabaku !

Na tongo makasi, sala ete nayoka boboto na Yo, pamba te natia elikya na ngai kati na Yo. Lakisa ngai nzela ya kolanda, pamba te napesi bomoi na ngai epai na Yo.

Yawe, kangola ngai wuta na maboko ya banguna na ngai ! Nazali koluka ebombamelo epai na Yo.

Yawe, mpo na lokumu ya Kombo na Yo, bikisa bomoi na ngai ! Na bosembo na Yo, longola bomoi na ngai kati na pasi.

Yawe, yoka losambo na ngai, landa mabondeli na ngai ! Yanola ngai na boyengebene mpe na bosembo na Yo.

Yawe, zongisela ngai eyano noki ! Molimo na ngai ezali kolemba. Kopesa ngai mokongo te, noki te nakozala lokola bato oyo bazali kokita na libulu.

Nakanisi mikolo ya kala, namilobeli nyonso oyo osala, nakanisi malamu mosala ya maboko na Yo.