Popular Bible Verses from Banzembo 103

Share

Eh molimo na ngai, pambola Yawe mpe kobosana ata moko te kati na misala malamu na Ye !

Ye nde alimbisaka masumu na Yo nyonso, abikisaka yo na bokono nyonso, akangolaka bomoi na yo wuta na libulu, alatisaka yo motole ya bolingo mpe ya mawa, atondisaka bomoi na yo na esengo mpe akomisaka yo elenge lokola mpongo.

Eh molimo na ngai, pambola Yawe ! Tika ete motema na ngai mobimba epambola Kombo na Ye ya bule !

Ndenge tata alingaka makasi bana na ye, ndenge wana mpe Yawe alingaka makasi bato oyo batosaka Ye 

ndenge este ezali mosika ya weste, ndenge wana mpe abwakaka masumu na biso mosika na biso.

Yawe ayokelaka bato mawa mpe asalelaka bango bolamu, asilikaka noki te mpe atonda na bolingo 

apamelaka biso te kolanda masumu na biso, azongiselaka biso te kolanda mabe na biso. Ndenge likolo etombolama mosika ya mabele, ndenge wana mpe bolingo na Ye ezali monene mpo na bato oyo batosaka Ye 

Yawe atia Kiti na Ye ya Bokonzi kati na Likolo, azali Mokonzi ya mokili mobimba.