Popular Bible Verses from Mosakoli 3

Share

Likambo nyonso ezalaka na tango na yango, mpe mosala nyonso ezalaka na ngonga na yango, na se ya moyi.

Ezali na tango ya kobotama mpe tango ya kokufa, tango ya kolona mpe tango ya kopikola oyo elonami ; tango ya koboma mpe tango ya kobikisa, tango ya kobuka mpe tango ya kotonga 

tango ya kolela mpe tango ya koseka, tango ya kosala matanga mpe tango ya kobina ; tango ya kopanza mabanga mpe tango ya kosangisa yango, tango ya kopesa beze mpe tango ya kotika kopesa beze 

tango ya kopasola mpe tango ya kobamba, tango ya kokanga monoko mpe tango ya koloba ; tango ya kolinga mpe tango ya koyina, tango ya bitumba mpe tango ya kimia.

tango ya koluka mpe tango ya kobungisa, tango ya kobomba mpe tango ya kobwaka 

Nayebi ete makambo nyonso oyo Nzambe asalaka ewumelaka seko ; boye ezali ata na eloko moko te ya kobakisa na likolo na yango to ya kolongola kati na yango. Nzambe asalaka yango bongo mpo ete bakumisa Ye.

Namilobelaki kati na ngai : « Nzambe akosambisa, ezala bato ya sembo to bato mabe, pamba te ezali na tango mpo na likambo moko na moko, mpe ezali na tango mpo na kosambisa likambo moko na moko. »