Popular Bible Verses from Mosakoli 1

Share

Pamba te kozala na bwanya mingi ememelaka moto pasi, mpe kozala na mayele mingi etungisaka motema.

Oyo ezalaki ekozala lisusu, oyo esalemaki ekosalema lisusu : likambo ya sika ezalaka te na se ya moyi.

Makambo nyonso elembisaka, moto oyo akoki kobeta na yango tembe azali te ; nzokande, miso etondaka te na kotala, mpe matoyi etondaka te na koyoka.

Pamba na pamba, elobi Moteyi ; pamba na pamba, nyonso ezali kaka pamba. Moto azwaka litomba nini penza na misala nyonso oyo amonelaka pasi na se ya moyi ?

Namona misala nyonso oyo esalemaka na se ya moyi ; nyonso wana ezali kaka pamba, ezali lokola moto azali kolanda mopepe.

Eleko moko eleki, mpe eleko mosusu eyei, kasi mabele etikalaka kaka seko na seko.

Ndenge bato bayebaka lisusu bato ya kala te, ndenge wana mpe bato oyo bakoya sima bakotikala koyeba bango te na bato oyo bakolanda.

Namipesaki makasi mpo na koyekola bwanya mpe, lisusu, makambo ya bozoba mpe ya liboma ; kasi nasosolaki ete yango mpe ezali kaka lokola moto azali kolanda mopepe.