Popular Bible Verses from Mariko 2

Share

Yesu wakati wapulika ichi, wakati kwa iwo, “Awo mba msuma kuti ŵakupenja ng'anga chara, kweni ŵarwari ndiwo. Ine kuti nkhizira kuchema ŵarunji chara, kweni ŵakwananga.”

Yesu wakati wawona chipulikano chawo, wakati kwa munthu wakufwa viŵaro, “Wa mwana wane, zakwananga zako zagowokereka.”

Yesu wakati kwa ŵaFarisi, “Zuŵa la Sabata, likimikikira munthu, kuti munthu wali kuŵirako chifukwa cha zuŵa la Sabata chara.

Ŵakati ŵatondeka kwiza nayo pafupi na Yesu chifukwa cha unandi wa ŵanthu, ŵakeghurapo pa mtenje wa nyumba, kudunjikana na apo wakaŵa Yesu. Ntheura ŵakamukhizgira pasi munthu yura pa kasarasara uyo wakagonapo.

Kweni mwakuti mumanye kuti Mwana wa Munthu wali na mazaza pa charu kugowokera zakwananga,” wakati kwa munthu wakufwa viŵaro, “Nkhukuphalira kuti, wuka, nyamura kasarasara wako ndipo rutanga ku kwako.”

Kasi chipusu ndi nchi, kuyowoya kwa wakufwa viŵaro uyu kuti, ‘Zakwananga zako zagowokereka,’ panji kuyowoya kuti, ‘Wuka, nyamura kasarasara wako wendenge?’

Ndipo wakawuka, mwaluŵiro wakanyamura kasarasara wakhe na kuruta, uku wose ŵakuwona. Ntheura wose ŵakazukuma, ndipo ŵakamuchindika Chiuta ŵakati, “Tindachiwonepo na kale chinthu nga ndi ichi.”