Popular Bible Verses from Mateyu 24

Share

Chifukwa chakwandana kwa ubendezi, kutemwa kwa ŵanthu ŵanandi kwamkuzizima. Kweni mweneuyo wamkuzizipizga kufika ku umaliro, ndiyo wamkuponoskeka.

Uthenga Uweme wa Ufumu wamkupharazgika mu charu chose kuti uŵe ukaboni ku ŵamitundu yose. Penepapo umaliro uti wizenge.”

Mwamkupulika chiwawa cha zinkhondo za pafupi, ndiposo na mbiri ya zinkhondo zakuchitika kutali. Mungakenjerwanga, pakuti vya ntheura vikwenera kuŵako, kweni umaliro uchali undafike.

Pakuti mtundu wamkuwukira mtundu unyakhe, ndipo ufumu wamkuwukira ufumu unyakhe. Kwamkuŵako njara na vindindindi mu malo ghakupambanapambana. Vyose vya ntheura ivi vili nga ndi vyakuŵinya ivyo mama wakupulika pambere wandababe.

Kuchanya na charu cha pasi vimarenge, kweni mazgu ghane kuti ghati ghamarenge chara.

Chifukwa ŵanandi ŵamkwiza mu zina lane na kuyowoya kuti, ‘Mesiya ndine,’ ndipo ŵamkuŵapuruska ŵanthu ŵanandi.

“Penepapo ŵamkumuperekani ku visuzgo ndipo ŵamkumukomani. Ŵamitundu yose ŵamkumutinkhani chifukwa cha zina lane. Pa nyengo yeneyira ŵanthu ŵanandi ŵamkutaya chipulikano chawo, ndipo ŵamkwenderana mphiska na kutinkhana. Ndipo nchimi zitesi zinandi zamkuwoneka na kupusika ŵanthu ŵanandi.

Yesu wakaŵazgora wakati, “Chenjerani, paŵavye munthu wamupuruskani.

Ntheura namwe muŵenge ŵakunozgeka chifukwa Mwana wa Munthu wamkwiza pa ora ilo mulije kughanaghanako.

Ntheura muŵe maso, pakuti mukulimanya chara ora ilo Fumu yinu yizirenge.

“Kweni vya zuŵa lira nesi ora, palije munthu uyo wakumanya, nanga ndi ŵangelo ŵa kuchanya nanga ndi Mwana, kweni Ŵadada pera.

Pakuti ŵamesiya ŵa utesi na nchimi za utesi zamkuwuka ndipo zamkurongora vimanyikwiro vikuru na minthondwe mwakuti usange nchamachitiko ŵapusiske na ŵakusoreka ŵa Chiuta wuwo.

Nga ndi umo kukaŵira mu mazuŵa gha Nowa, ntheuraso ndimo kwamkuŵira para Mwana wa Munthu wakwiza. Nga ndi umo kukaŵira mu mazuŵa ghara pambere chigumura chindafike, ŵanthu ŵakaryanga na kumwa, ŵanarume ŵakatoranga ŵanakazi, ndiposo ŵanakazi ŵakatengwanga mpaka likiza zuŵa ilo Nowa wakanjirira mu ngaraŵa. Ndipo kuti ŵakamanya kanthu chara kufikira pa zuŵa la chigumura, icho chikaŵakukura wose. Ntheura ndimo kwamkuŵira para Mwana wa Munthu wakwiza.