Popular Bible Verses from Mateyu 2

Share

Ŵakanjira mu nyumba, ŵakamuwona mwana pamoza na nyina Mariya, ndipo ŵakajikama na kumulambira. Ntheura ŵakati ŵasutula vyuma vyawo ŵakamupa vyawanangwa vya golide, vyakununkhira, na mure.

Wakati wababika Yesu mu Betelehemu wa Yudeya, pa nyengo ya Karonga Herode, ŵanthu ŵamahara ŵa ku mafumiro gha dazi ŵakiza ku Yerusalemu. Ŵakafumba ŵakati, “Kasi walinkhu mweneuyo wababika karonga wa ŵaYuda? Pakuti tikawona nyenyezi yakhe ku mafumiro gha dazi, ndipo tiza kwiza kamusopa.”

Ŵakati ŵayiwona nyenyezi yira, ŵakasekerera chomene na chimwemwe chikuru.

Ndipo pakuchenjezgeka mu maloto kuti ŵareke kuwerera kwa Herode, ŵakatora nthowa yinyakhe pakuwerera ku charu cha ku kwawo. Ŵakati ŵaruta ŵanthu ŵamahara, mungelo wa Fumu wakamuwonekera Yosefe mu maloto wakati, “Wuka, tora mwana na nyina, chimbilira ku Eguputo. Ukakhare kwenekura mpaka ndikuphalire, chifukwa Herode wali pafupi kupenja mwana kuti wamukome.”