Popular Bible Verses from Malaki 3

Share

Mwizenge na chakhumi chakukwanira mu nyumba yakusungiramo kufuma mu vyose, mwakuti muŵenge chakurya mu nyumba yane.” FUMU Mwenenkhongono zose yikuti, “Mundiyezge, ndipo muti muwone kuti nkhumujulirani vidangazi vya kuchanya na kumupungulirani vitumbiko vyakuzara.

Nditi ndikanizge ivyo vikurya mbuto, mwakuti vireke kunanga vyakurya vya mu minda yinu. Mpheska za mu minda yinu zitondekenge chara kupambika vipambi.” Ntheura ndimo yikuyowoyera FUMU Mwenenkhongono zose. “Penepapo mafuko ghose ghamkumuchemani kuti ndimwe ŵakutumbikika, pakuti charu chinu chamkuŵa chakukondweska.” Ntheura ndimo yikuyowoyera FUMU Mwenenkhongono zose.

FUMU Mwenenkhongono zose yikuti, “Ŵanthu aŵa ŵamkuŵa ŵane, chuma chane cha pa dera, mu zuŵa ilo ndamkuchifiskira. Ndamkuŵathaska nga ndi umo munthu wakuthaskira mwana wakhe uyo wakumupulikira. Penepapo mwamkuwonaso mphambano pakati pa ŵarunji na ŵaheni, pakati pa awo ŵakuteŵetera Chiuta na awo ŵakuwura kuteŵetera Chiuta.”

FUMU Mwenenkhongono zose yikuti, “Wonani, nditi nditume thenga lane, leneilo lamkunozga nthowa panthazi pane. Penepapo mwamabuchibuchi, FUMU yeneiyo mukuyipenja yiti yizenge mu nyumba yakhe. Thenga ilo liri na uthenga wa phangano, leneilo imwe mukukondwera nalo, likwiza.”