Popular Bible Verses from Luka 5

Share

Para Yesu wakamara kuyowoya, wakamuphalira Simoni wakati, “Kanchizgira ngaraŵa iyi ku luji ndipo muponye mikwawu yinu kuti mukore somba.”

Simoni wakazgora wakati, “Musambizgi, tatokatoka usiku wose. Tilije kukorapo somba nanga njimoza. Kweni chifukwa cha mazgu ghinu, nditi ndiponye mikwawu.” Ŵakati ŵaponya mikwawu, ŵakakora somba zinandi chomene, mpaka mikwawu yawo yikamba na kuparuka wuwo.

Kweni Yesu wakawukapo na kuya kakhara ku mapopa na kuromba.

Ine kuti nkhizira kuchema ŵarunji chara, kweni ŵakwananga kuti ŵang'anamuke mu mtima.”

Para Simoni Petrosi wakawona ichi, wakajikama pa malundi gha Yesu wakayowoya wakati, “Mwe Fumu, fumaniko kwa ine pakuti ndili munthu wakwananga.”

Ndipo Yesu wakaŵazgora kuti, “Awo mba msuma kuti ŵakupenja ng'anga chara, kweni ŵarwari ndiwo.

Ŵakati ŵakwezga ngaraŵa zawo pa mlima, ŵakasida vyose na kurondezga Yesu.

Apo Yesu wakaŵa mu msumba unji, munthu uyo wakaŵa na vyoni thupi lose wakiza kwa iyo. Wakati wawona Yesu, wakawa kavunama ndipo wakamuŵeya wakati, “Fumu, usange mukukhumba, munganditozga.” Yesu wakanyoroska woko lakhe, wakamukhwaska wakati, “Inya, nkhukhumba, tozgeka!” Penepapo vyoni vikamara.

Kweni ndipouli lumbiri lwa Yesu lukatandazgika kwakuruska kosekose. Ndipo mizinda yikuru ya ŵanthu yikiza kwiza kamupulika na kuchizgika ku matenda ghawo.