Popular Bible Verses from Yohane 13

Share

Nkhumupani dango liphya kuti mutemwanenge. Umo ine ndamutemwerani imwe, ndimo namwe mutemweranenge. Na cheneichi ndicho ŵanthu wose ŵati ŵamanyirenge kuti ndimwe ŵasambiri ŵane, usange mukutemwana yumoza na munyakhe.”

Sono usange ine nda Fumu yinu, na Musambizgi winu, ndamugeziskani malundi, namweso mukwenera kugeziskana malundi. Ndamupani chiyerezgero kuti namwe muchitenge ntheura nga ndi umo ine ndamuchitirani.

Yesu wakamuzgora wakati, “Ichi nkhuchita kuti ukuchimanya sono chara, kweni uti umanyenge pamanyuma.”

Inya, inya nadi, nkhumunenerani kuti muteŵeti kuti ndi mukuru kuruska sekuru wakhe chara, nanga ndi nthumi kuti yikumuruska chara uyo wakuyituma.

Usange mukuvimanya vyeneivi muŵenge ŵakutumbika usange mukuvichita!

wakawuka apo wakaryanga, wakavura laya lakhe la kuwaro, ndipo wakatora thaulo na kujiphinya nalo mu chiuno. Penepapo wakapungulira maji mu beseni ndipo wakamba kugeziska malundi gha ŵasambiri ŵakhe na kughapuputa na thaulo ilo wakajiphinya nalo mu chiuno.