Popular Bible Verses from Mutendeko 28

Share

Ine ndili nawe, nditi ndikusungilirenge kose uko ukuruta, ndipo ndizamkukuwezgeraso mu charu ichi. Ndizamkukusida chara ndisuke ndichite icho ndakuyowoyera.”

FUMU yikimilira pachanya pa makwerero ghara, yikati, “Ine ndine FUMU, Chiuta wa ŵawuso, Abrahamu na wa Yisake. Nditi ndikupenge iwe na mphapu yako charu icho wagonapo.

Yakhobe wakawuka mu tulo ndipo wakati, “Nadi FUMU yili mu malo ghano. Ine kuti ndangumanya chara.”

Yakhobe wakarapa wakati, “Usange Chiuta waŵenge nane na kundisunga mu ulendo wane uwu, ndipo usange wandipenge chakurya na vyakuvwara, mwakuti ndiwerereso ku nyumba ya ŵadada mu chimango, apo ndipo FUMU yiti yiŵe Chiuta wane. Libwe ili, leneili ndalijintha nga nchikumbusko lamkuŵa Nyumba ya Chiuta, ndipo mu vyose ivyo mukundipa nditi ndipereke kwa imwe chigaŵa cha khumi.”

Mphapu yako yizamkwandana nga ndi fuvu la charu. Ŵamkutandazgika kosekose, ku manjiliro gha dazi, ku mafumiro gha dazi, ku mpoto na ku mwera. Mafuko ghose gha mu charu ghamkutumbikikiramo mwa iwe na mphapu yako.

Wakaghathya malo ghara zina la Betele. Kweni pakudanga zina la msumba likaŵa Luzi.