Popular Bible Verses from Kufuma 3

Share

Chiuta wakati kwa Mozesi, “Ine ndine mweneuyo ndine. Ntheura ndimo ukwenera kuŵaphalirira ŵaIsraele kuti uyo wakuchemeka kuti, ‘INE NDINE, wandituma kwa imwe.’ ”

Chiuta wakati, “Ine ndiŵenge nawe. Ndipo chimanyikwiro chakuti ndakutuma ndine ndi ichi. Para waŵafumiska ŵanthu ŵane mu charu cha Eguputo, wizamkundisopa ine pa phiri leneili.”

Chiuta wakati, “Ungasenderanga pafupi. Vura skapato zako ku malundi ghako, pakuti malo gheneagho wimilirapo ngakupatulika.”

Penepapo FUMU yikati, “Nadi ndawona nkhaza izo zikuchitikira ŵanthu ŵane awo ŵali mu Eguputo, ndipo ndapulika kulira kwawo chifukwa cha ŵarara ŵakuŵalaŵirira awo ŵakuŵachitira nkhaza. Sono ndamanya makora visuzgo vyawo. Ntheura ndakhira kuti ndiŵathaske ku ŵaEguputo, na kuŵafumyamo mu charu icho ndipo ndiŵatorere ku charu chiweme na chisani icho ncha mkaka na uchi, charu cha ŵaKanani, ŵaHiti, ŵaAmori, ŵaPerezi, ŵaHivi na ŵaYebusi.

Ndipo mungelo wa FUMU wakamuwonekera iyo mu dimi la moto uwo ukagoleranga mu chivwati. Iyo wakalaŵiska ndipo wakawona chivwati chikugolera, kweni kuti chikanyekanga chara.

Ntheura sono ruta, nkhukutuma kwa Faro kuti ukafumiske ŵanthu ŵane kufuma mu Eguputo.”