Popular Bible Verses from Mapisarema 119

Share

Shoko renyu ndiwo mwenje wetsoka dzangu, Nechiedza panzira yangu.

Shoko renyu ndakariviga mumwoyo wangu, Kuti ndirege kukutadzirai.

Jaya ringaramba richinatsa nzira yaro neiko? Kana richichenjerera sezvinoraira shoko renyu.

Vakaropafadzwa vanochengeta zvipupuriro zvake, Vanomutsvaka nomwoyo wose.

Imi muri chivando changu nenhoo yangu; Ndinotarira shoko renyu.

Ndipei njere, ndichengete murau wenyu; Zvirokwazvo, ndichauchengeta nomwoyo wangu wose.

Kweverai mwoyo wangu kuzvipupuriro zvenyu, Urege kukweverwa mukuchiva.

Zvakanga zvakanaka kuti nditambudzike; Kuti ndidzidze mitemo yenyu.

Ndizvo zvinondinyaradza pakutambudzika kwangu; Nokuti shoko renyu rakandiponesa.

Ndifambisei munzira yemirairo yenyu; Nokuti ndinoifarira kwazvo.

Ndidzidzisei, Jehovha, nzira yemitemo yenyu; Ndigoichengeta kusvikira pakuguma.

Mweya wangu unonyunguruka nokuremerwa; Ndisimbisei sezvinorehwa neshoko renyu.

Haiwa, ndinoda murau wenyu seiko! Ndicho chandinofungisisa zuva rose.