Popular Bible Verses from Zvirevo 29

Share

Kutya munhu kunouyisa musungo; Asi ani naani anovimba naJehovha, achachengetwa.

Kana Jehovha asingazviratidzi, vanhu vanoramba kudzorwa; Asi anochengeta murayiro, anomufaro.

Benzi rinobudisa hasha dzaro dzose; Asi munhu akachenjera anodzidzora nokudzinyaradza.

Shamhu nokuraira zvinouyisa huchenjeri; Asi mwana wangoregwa hake anonyadzisa mai vake.

Rairira mwanakomana wako, agokuzorodza; Zvirokwazvo achafadza mweya wako.

Kuzvikudza kwomunhu kuchamudukupisa; Asi ano mweya anozvininipisa, achakudzwa.

Munhu wakatsamwa anomutsa kukakavara; Munhu ane hasha anokudarika kuzhinji.

Unoona munhu unokurumidza kutsamwa? Benzi riri nani kuna iye.