Popular Bible Verses from Dhuteronomi 6

Share

Ude Jehovha Mwari wako nomwoyo wako wose, nomweya wako wose, nesimba rako rose.

unofanira kushingaira kuadzidzisa vana vako, nokuataura kana ugere mumba mako, kana uchifamba munzira, kana uchivata pasi, kana uchimuka.

Zvino mashoko awa andinokuraira nhasi, anofanira kuva mumwoyo mako

“Chinzwa Isiraeri, Jehovha Mwari wedu ndiJehovha mumwe chete.

Unofanira kuasungira paruoko rwako, chive chiratidzo; uye anofanira kuva rundanyara pakati pameso ako.

Unofanira kuanyora pamagwatidziro emikova yeimba yako, napamasuo ako.

Unofanira kutya Jehovha Mwari wako, nokumushumira, nokupika nezita rake.

“Zvino kana Jehovha Mwari wako achinge akupinza munyika, yaakapikira madzibaba ako, Abhurahamu, naIsaka, naJakobho, kuti uchakupa iyo, namaguta makuru akanaka, ausina kuvaka iwe, nedzimba dzizere nezvinhu zvose zvakanaka, dzausina kuzadza iwe, namakangwa akacherwa, ausina kuchera iwe, neminda yemidzambiringa nemiorivhi, yausina kusima iwe; iwe ukadya ukaguta, zvino chenjera kuti urege kukanganwa Jehovha, wakakubudisa panyika yeIjipiti, paimba youranda.

“Zvino ndiwo mirairo, nezvakatemwa, nezvakatongwa, zvandakarairwa naJehovha Mwari wenyu kuti ndikudzidzisei, kuti muzviite kunyika kwamunoenda kuti ive yenyu; kuti utye Jehovha Mwari wako, uchengete zvose zvaakatema nemirairo yake, yandinokuraira, iwe, nomwanakomana wako, nomwanakomana womwanakomana wako, mazuva ose oupenyu hwako, kuti mazuva ako ave mazhinji.

Uye unofanira kuita zvakarurama nezvakanaka pamberi paJehovha, kuti zvive zvakanaka newe, upinde munyika yakanaka ive yako, iyo yakapikirwa madzibaba ako naJehovha

nokuti Jehovha Mwari wako, ari pakati pako, ndiMwari ane godo; kuti Jehovha Mwari wako arege kukutsamwira, akuparadze panyika pose.

Regai kutevera vamwe vamwari, vamwari vendudzi dzinokupoteredzai

“Musaidza Jehovha Mwari wenyu, sezvamakamuidza paMasa.