Popular Bible Verses from MATTHAI 7

Share

“Ngia oh lah ae pya cih oh; ccung oh lah na muih cih oh; khua oh lah thuakaw kha hungpya na thua cih oh.

Pawccecize a ngiapaw miakaw tuh a mue; a ccungpaw miakaw tuh a muih; thuakaw a khuapaw miakaw tuh hungpya athua cih.

“Tukeiccuze humhung zemah hynh-e ka bya hynh thae zah a zuipaw tuh lungpi vawlan a inn a sakkuhpaw mihawpaw te nynh a loku.

“Nae tungvaw kya cyih hae sah cite na ry oh hawte ming hae tungvaw kya la cyih oh; pawccecize hynh-e tuh kawbya ccauh te profeh hae ccauh nynh a ho hae paw nynh thua.

Thuasalama hiinnaw kalan ccianawpaw sakoih tuh by zah laanpi tuh aru; tuh-e laanpi a muihkuhpaw tuh azya.

“Abypaw sakoih kyate tee oh; pawccecize ronaw kalan ccianawpaw sakoih tuh ko zah laanpi tuh azoi; tuin kya a teepaw ccungccaw hae tuh patae acih hae.

Ccungccaw hoy leipaw mang na thua oh pite nae ccaaw hae kha lasung hoypaw pya lan na ny oh ze, vaawlang umpaw nae Paaw nynh amaw kalan a ngiakuh hae paw kha uccaw hoypaw tuh houh a pya cih hae!

“Nanning tuh byapia na thua khyh nawlan oh ming hae kha bya la pia nan oh. Pawccecize na pianaw oh paw byapianaw thyhte naemaw kha byapia na thua cih oh; na tounaw oh paw tounawpaw te naemaw kha toupya ru na thua cih oh.

E ka bya hynh thae zah a zui leipaw tuh laesia vawlan a inn a sakkuhpaw mingaeepaw te nynh a loku.

Namaw mit lungkhu umpaw thingthyh kha tuaku leite pawccemou na uno mit lungkhu umpaw athupaw taraw kha na dopya? Namaw mit kya thingthyh phang a um pite, pawtemou na unopaw kha, ‘Na mit kya-e athupaw taraw kha kae la khoipah,’ na ci ngan?

“Tuu phua bongkute nae kalan oun thua hae paw lingthya profeh hae kha la raeringkuh oh; pawccecize minmin tuh alungkhu langte tuh arepaw suizaw hae nynh thua hae. Minmin kha mih cyisahnaw khate nae nyh cih oh. Ccungccaw hae nynh misu thae kha taty ku kyate a lo hae tou? Thaeku thae kha hinpaw ku kyate a lo hae tou?

Tuh-e hawte thingku hoypaw nynh thingthae hoypaw kha a thae, thuasalama thingku hoy leipaw nynh tuh thingthae hoy leipaw kha nynh a thae.

Thingku hoypaw nynh thingthae hoy leipaw kha thae kho khyh, thingku hoy leipaw nynh mah thingthae hoypaw kha thae kho khyh.

Thingthae hoypaw a thae leipaw thingku miakaw tuh nge thua zah maee lungkhu lang phung athua.