Popular Bible Verses from MATTHAI 5

Share

Humhung nynh mah maeekhua kha aw zah ke khung boi khyh, maee awnawpaw vawlan khe nung zah inn lungkhu um hae paw balyn kha awnaw a pya hae. Tuhawte nae awnaw kha ccungccaw hae malang khe awsah oh, tuhteze nynh ahoypaw nae ryalaw kha a muih cih hae zah vaawlang umpaw nae Paaw kha a phu-esah cih hae.

“Nanning tuh laephi awnaw nynh na thua oh. Mua vawlan sakpaw khua tuh thuruh kho thua khyh.

Thinlung athyaa hae paw tuh lungtua hae paw nynh thua; pawccecize minmin tuh Pachia kha a muih cih hae.

Dingnaw kha vuelaw tuihaw hawte a ry hae paw tuh lungtua hae paw nynh thua; pawccecize mih rynaw kha ccingsah athua cih.

Thuasalama kae hopya oh, nae rhaw hae kha sungsah oh, nanning ae tuaa ae sah oh paw hanlan sawsangpah oh.

Thinlung zakawsangsakuh hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.

Daenaw raetu hae tuh lungtua hae paw nynh thua; pawccecize minmin tuh Pachia ccaaw hae cite ko athua cih hae.

A rah a khui hae paw tuh lungtua hae paw nynh thua; pawccecize minmin tuh soihbia athua cih hae.

Dingnaw keiccuze tuaasahnaw a ing hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.

Ngaethyaumsahnaw a hoi hae paw tuh lungtua hae paw nynh thua; pawccecize minmin tuh ngaethyaumsahnaw kha a mue cih hae.

“Kae ka keiccuze nanning kha ae sarya oh, ae tuaa ae sah oh zah ahme lei lante ahoy leipaw hynbya aphuinphuin ae be oh ze, nanning tuh lungtua hae paw nynh na thua oh. Nae lungtua sah lah nae lungpaw sah, pawccecize vaawlang khua kya nae ryalaw mee tuh ale; pawccecize nanning maw e profeh hae kha mah minmin nynh tuhmaminte a tuaa a sah hae.

Lungne hae paw tuh lungtua hae paw nynh thua; pawccecize minmin tuh laephi rho a ccou cih hae.

“Nanning tuh laephi loi nynh na thua oh; thuasalama loi nynh a enaw kha a zo ze pawcihtemou esah thui kho athua ung cih? Pawpaw elang sanmah hoy vae lan khyh, dae vua lan zah syde lanpaw nynh hung athua vae.

Tukeiccuze vaawlang umpaw nae Paaw tuh accing hawte nanning mah la ccing oh.

Thuasalama na hopaw tuh athua ze athua, athua khyh ze thua khyh na ci cih; pawccecize pawpaw bya zemah hynh-e hae laelan tuh ahoy leipaw kyate nynh yn thua.

“ ‘Mit ccangkheit hanlan mit ccangkheit, te haw ccangkheit hanlan haw ccangkheit’ cite a ho hae paw kha na thae vae oh. Thuasalama kae hopya oh, hoyleinaw a raepaw kha liaru nan oh, lukhakheit nynh na ranglang byaki kha ae bia ze, na voilang byaki kha mah la tuapakuh.

Te na ranglang mit nynh ae seisah ze, poh khoi lah dae vua; pawccecize na pyn balynte hell lungkhu lang vua na thua lae tuh na pyn kya-e hae ccangkhakheit na shungpaw tuh na hanlan ahoyhua. Te na ranglang kuih nynh ae seisah ze thoh tya lah dae vua; pawccecize na pyn balynte hell lungkhu lang vua na thua lae tuh na pyn kya-e hae ccangkhakheit na shungpaw tuh na hanlan ahoyhua.