Popular Bible Verses from MATTHAI 2

Share

Te inn lungkhu lang tee hae zah imua te a nung Mary kha a muih hae, te ccukharutungte amaw kha a beik hae; minmin nynh mih sisua bawng hae kha hung hae zah sui, frankinsen te mura kha lasung lang a pya hae.

Herod siapharan lang a tang lya Judea ram Bethlehem khua kya Jesu a pui koute nithua langte awsi dothya hae paw mihaw hae tuh Jerusalem khua oun thua hae zah, “Judah siapharan lang a puipaw imua tuh teisangmou a um? Nithua langte yn thuapaw amaw awsi kha kae muih zah amaw beik lan nynh kae thua,” a ci hae.

Awsi a thadynpaw kha a muih hae tuh myaryamaw mih lungtua.

Minmin tuh Herod kalan a ki vae khyh nawlan hae Pachia nynh mih maan kya raeringnaw a pya hae keiccuze laanpi ccanglang te mih ram lang a ki hae. Minmin he a cceih kou hae te, Bawipaw vaawpaw tuh Josef a maan kya yn langkuh zah, “Thokuh lah imua te a nung kha hoei hae lah Izip ram lang ccuekhae hae, bya kae hopya makhia tuin kya la um, pawccecize Herod nynh imua kha chia khylan yn ccung vae cih,” a cipya.