Popular Bible Verses from LUKA 14

Share

“Humhung zemah ka kalan yn cceih zah a paaw te a nung, a zu te a ccaaw hae, a uno hae te a ccia hae, te amaw a hiinnaw kha heize a hua khyh lanze ka zuitu lang tang kho lan khyh.

Humhung zemah amaw a vaelantung kha puihku leite kae yn zuipaw tuh ka zuitu lang tang kho lan khyh.

Pawccecize humhung zemah amaw te amaw a hangsakuhpaw tuh sawbung athua cih zah, amaw te amaw zakaw a sangsakuhpaw tuh hangthung athua cih,” a ci.

Tuhawte nanning laku e humhung zemah a hoipaw balyn kha marya a cciataw leipaw tuh ka zuitu lang tang kho lan khyh.

Pawccecize nanning lakuze lukhakheit nynh innhangpaw sak lan a paccynku ze, inn lynnaw lanpaw phua azaw lan a hoi tou, hoi khyh tou cipaw ny khylan masaty haungte amee tuatua lan khyh tou? Tuhte tuaty leite, innhangpaw tuh tungpi a bing koute a lyn kho khyh ze, a muih hae paw balyn nynh a sarya cih hae zah, ‘E ccungccapaw nynh sak lan mang tho zah lyn kho vae khyh,’ cite a ho cih hae.

Thuasalama nang nynh poi na tua vae ze, ryachi hae, pyn kya-e accing lei hae paw, ccukhou hae te mitmoh hae kha la ko hae. Minmin nynh ae sangru kho lan khyh hae, tukeiccuze hythua ccoupaw na thua cih. Miding hae thoothuinaw kya amee sangru na thua cih,” a cipya.

“Loi tuh ahoy; thuasalama loi nynh a enaw kha azo lanze pawtemou esah kho athua ung cih? Tuh-e loi tuh laephi hanlan thuasah, athupaw pumnaw hanlan thuasah hoy vae khyh; ccungccaw hae nynh ccaring a vua vae hae. Thaenaw nakaring a hoipaw nynh thae sah,” a ci.