Popular Bible Verses from JOHAN 6

Share

Jesu nynh, “Kae tuh hiinnaw sanlou nynh ka thua. Ka kalan yn cceihpaw ccungccaw tuh a vuelaw boi vae lan khyh, kae yn zynpaw tuh a tuihaw boi vae lan khyh.

Hiinnaw a pyatu tuh Muisaw nynh thua, pynsaw tuh ccungkia khyh; nae kya ka hopaw bya hynh muisaw thua zah hiinnaw mah athua.

Arohthyapaw looh hanlan ryalah nan oh, Ccungccaw Ccapaw nynh nanning ae pya cih oh paw zungzae hiinnaw hanlan atynpaw looh elang ryalah oh; pawccecize Paaw Pachia nynh amaw kha tazeih phe khia vae paw nynh thua,” a ci.

Ka Paaw nynh a rypaw tuh, Ccapaw kha muih zah a zynpaw miakaw nynh zungzae hiinnaw a hoi nawlan hae nynh thua; nyathya nin kya minmin kha ka thoosah cih hae,” a ci.

Jesu nynh, “Pachia nynh a rypaw ryalaw tuh, amaw nynh a sawpaw kha na zyn lan oh paw kha nynh athua,” cite a khung hae.

Paaw nynh yn pyapaw ccungccaw hae balyn nynh ka kalan oun cceih cih hae; ka kalan yn cceihpaw ccungccaw tuh kharouh ka dee boi lan khyh.

Simon Peter nynh, “Bawipaw, hum kalan mou kae cceih cih? Nang nynh zungzae hiinnaw bya na hoi.

Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua,” cite a hopya hae.

Kae yn sawtupaw Paaw nynh a soih khyh lanze hum ccungccaw sanmah ka kalan thua kho lan khyh, ka kalan yn cceihpaw ccungccaw kha nyathya nin kya ka thoosah cih.

Pawccecize Pachia kya-e sanlou tuh vaawlang te yn rungbung zah laephi ccungccaw hae kalan hiinnaw a pyatupaw nynh thua,” a cipya hae.

Kae tuh hiinnaw sanlou nynh ka thua.

Jesu nynh sanlou kha lah zah lungtuabya a ho koute tuin kya a haung hae paw kha a nee hae. Tuhawte ngasaw kha mah ccungccaw hae nynh a ry hae zeih a nee hae. Ccungccaw hae phe a byn hae te Jesu nynh a zuitu hae kha, “Alaepaw a eihpaw kha azo khyh nawlan ccakhung oh,” a cipya hae.

Minmin nynh kohlung kha me thum me pali loukaw cia he a zaw hae te, Jesu tuh rili vawlan yn cceih zah kohlung kalan yn naekupaw kha a muih hae tuh a rih hae. Thuasalama Jesu nynh minmin kha, “Kamaw nynh ka thua, rih nan oh,” a cipya hae.