Popular Bible Verses from JOHAN 3

Share

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

“Pawccecize Pachia nynh laephi hynh byapia khylan a Ccapaw kha laephi vawlan yn saw khyh, amaw liate laephi ccungccaw hae hynh khum athua hae ccaw cite nynh yn saw.

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

“Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh.

Byapianaw tuh hynhte nynh thua; awnaw tuh laephi vawlan hin yn thua, thuasalama ccungccaw hae tuh mih cyisahnaw ahoy khyh keiccuze awnaw laeze mohnaw kha a ryhua hae.

Aning tuh a kaethung cih zah kae tuh ka nyaabung cih,” a ci.

Pawccecize ahoy leipaw a cyihpaw miakaw nynh awnaw kha a hua, a cyisahnaw alangku khyh nawlan awnaw kalan yn cceih khyh.

Ccapaw a zynpaw miakaw tuh zungzae hiinnaw a hoi; Ccapaw kaw a eipaw tuh hiinnaw kha muih lan khyh zah, Pachia thinrianaw kha a tungvaw atyn cih.

Moses nynh hupaw kha ramkaw kya a sae hawte Ccungccaw Ccapaw mah sae athua cih

Paaw nynh Ccapaw kha sungsah zah pawpaw balyn kha a kuih kya marya a pya vae.