Popular Bible Verses from JAMES 1

Share

Ka u te ka neitaw hae, syntawnaw aphuinphuin na tung vae oh ze, tuh-e tuh lungtua nawlan la ria oh; pawccecize nae zynnaw kha syntawnaw nynh ngaesangnaw kha a poukhae cipaw na ny oh.

Nanning lukhakheit nynh hawnaw abou ze, Pachia kha ngiakuh sah, pawccecize seibe leite ccungccaw balyn kha hysahte a pyatu Pachia nynh tuh-e paw tuh hawnaw a pya cih.

Ka sungsahpaw uteno hae, ccungccaw miakaw tuh nawthae lan a thyrang sah, byaho lan te thinria lan a thysung sah.

Nanning nynh pawsang hobounaw um lei lante khaleih a ccingpaw na thua nawlan oh, athangnaw cia la ngaesang oh.

Naemaw te naemaw kha lingkute bya a thaetu hae kyalya thua nan oh. A bya a cyihtu hae la thua oh.

Tuhounaw kha a ngaesangpaw ccungccaw tuh hythua ccoupaw nynh thua; pawccecize aning tuh syntaw he athua koute Bawipaw nynh amaw a sungsah hae paw elang bya a kinpyaku hae paw hiinnaw bawilukhung kha a mue cih.

Ahoypaw lasung miakaw te accingpaw lasung miakaw tuh aluki langte, awnaw hae mih Paaw kyate nynh oun thua hae. Amaw kya tuh rulaekunaw um khyh zah apaleihkuhpaw mynlyh cipaw um boi khyh.

Pawccecize lukhakheit nynh bya kha thae zah a cyi khyh ze, aning tuh a puikhaepaw a mae kha muinsado kya a dokuhpaw ccungccaw te nynh aloku. Pawccecize aning nynh amaw te amaw a dokuh koute po cceih zah a muinsan kha phe a ningku kangmaw.

Paaw Pachia malang athyaapaw te anungsikuh leipaw beiknaw tuh e hynh nynh thua: Ngawraw hae te nomae hae kha mih vawsawnaw kya do-oihpaw te ahmaw mah laephi vaw e anungsikuhpaw kya kalouhku leite umpaw kha nynh thua.

Tuhounaw kha a tung vae ze, “Pachia nynh kae tuh yn tuhou,” cite hum nynh sanmah ho nan sah; pawccecize hoyleinaw nynh Pachia kha tuhou kho khyh, amaw nynh mah hum sanmah tuhou boi khyh. Thuasalama ccungccaw tuh amaw a pynsaw rynaw nynh soih zah he a sue vae ze, aning tuh ling athua vae.

Zakawsangpaw uno nynh tuh amaw kha hangthung athuanaw kyakhe a lungtua sah.