Popular Bible Verses from MATTHAI 5

Share

Naibaly ami my maisi thawn iy teaung anui y khai vai y leang, khai reng naira y naini khai khyh, hunaibaly angtheung y awm nai bawibawichi teng y angvang. Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

“Nangchi ly khaileaung pri i kangvang ne. Mawi saleaung y awm nai avang ly heu pajau y.

“Paleung y chai naichi ly taham hawi: nichi ly Tameuh ai niu ai.

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

“Paleung apanem naichi ly taham hawi: kani pri ly mymychi i ne.

“Aly hai nai keungchi ly taham hawi: nichi ai ly Tameuh i chanauchi pathi ai.

“Paleung mawn naichi ly taham hawi: nichi ai ang awm hai nem ai.

“Hawi nai deaungko y ana nai patang chum naichi ly taham hawi: kani pri ly nichi i ne.

“Amichi ai pahen naichi ly taham hawi: nichi ly pahen naira nga ai.

“Amichi my kai i molam y nangchi ai ang jo iy ana nai, ka-chawi cheaungkhangra y ang seu nai khala y ly nangchi taham hawi ai. Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

“Paleung jypjyp naichi ly taham hawi: nichi ly khaileaung pri amtym ai.

“Nangchi ly khaileaung pri i palawi ne: na i py palawi ly dau veng baly ati my lum hai bi ai mo? Hunai khala y ly aphi iy khumichi my chiu lyhlyh ai naira y harei ny y baly ati sai py aly by y leang bo.

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

Na i py nangchi i thui nai ly ‘Ne,’ nanai ly ‘Ne nai’ ne sy, ‘Ny y,’ nanai ly ‘Ny y nai,’ ne sy; huni tleaung y apo thui nai ly kamngo dengdairei theu nai teu.

“ ‘Mei i vui y mei, ho i vui y ho,’ napi nanai nangchi thai bo. Na i py kai ly kang thui pi, khumi kamngo ai ei u reng moh; ami py nang i lamtang mang i tangbeng y ang tabeang nai ngierei ai ly makengrei mang py amteng tlam.

Naibaly nang i lamtang mang i mei my nang ai atlym hai baly, takhawi piu ly, aphi la; nang i tlang bomrei ngari angawm y aphi nai tleaung y ly nang i tlang kangprei chy tama nai ly nang i vui hawi keh alam. Naibaly nang i lamtang mang i kiu my nang ai atlym hai baly tameng ly, aphi la; nang i tlang bomrei ngari angawm y tym nai tleaung y ly tlang kangprei harei tama nai ly nang i vui hawi keh alam.