Popular Bible Verses from Oze 14

Share

Se pou moun ki gen konprann chache konprann sa ki ekri la a. Se pou moun ki gen lespri chache konprann li. Paske chemen Bondye se chemen ki dwat. Moun k'ap viv dapre volonte Bondye ap mache ladan l san anyen p'ap rive yo. Men, moun ki vire do yo bay Bondye ap bite sou wout la.

Tounen vin jwenn Senyè a! Men sa pou nou di li: Padonnen tout peche nou yo. Asepte sa n'ap mande ou la a. Nou p'ap ofri ou towo bèf ankò, n'ap fè lwanj ou pito.

Senyè a di ankò: — M'ap rale pèp la tounen vin jwenn mwen ankò. M'ap renmen yo ak tout kè m. Mwen p'ap ankòlè sou yo ankò.