ᐁᒄ ᐲᑕᕐ ᑳ ᐃᑖᑦ, ᐊᓇᓈᔭᔅ, ᒉᒀᓐ ᐌᐦᒋ ᐸᒋᔥᑎᓂᑦ ᒪᒋᒪᓂᑑ ᒉᒌ ᐲᐦᒉᑦ ᒋᑌᐦᐄᐦᒡ, ᒉᒌ ᐃᐦᑑᑖᔅᒃ ᒉᒌ ᓇᓇᑕᔨᒪᑦ ᑳ ᐸᔦᐦᒋᓰᑦ ᐊᐦᒑᐦᒄ, ᒌᒨᑦ ᐁ ᑲᓄᐌᔨᐦᑕᒫᓱᔨᓐ ᐸᔅᒡ ᐊᓐ ᔔᓕᔮᐤ ᑖᓐ ᑳ ᐃᔥᐱᔥ ᐅᒋᐱᑕᒪᓐ ᑳ ᐊᑖᐌᔨᓐ ᐊᓐ ᑳ ᐃᔑ ᑎᐱᔦᐅᓯᔨᓐ᙮ ᐁᔥᒄ ᐁᑳ ᐅᐦᒋ ᐊᑖᐌᔨᓐ ᒋᑕᔅᒌ ᒋᔭ ᒋᒌ ᑎᐱᔦᐅᓯᔨᓐ ᐃᔅᑯᑕᒃ ᒫᒃ ᑳ ᐊᑖᐌᔨᓐ ᒋᒌ ᒦᑰᓐ ᒉᒌ ᐎᔦᔨᐦᑕᒪᓐ ᑖᓐ ᒉ ᐃᐦᑑᑕᒪᓐ ᐊᓐ ᔔᓕᔮᐤ᙮ ᒉᒀᓐ ᑳ ᒫᒥᑐᓀᔨᐦᑕᒪᓐ ᐌᐦᒌ ᐎᔦᔨᐦᑕᒪᓐ ᐆ ᒉᒌ ᐃᐦᑑᑕᒪᓐ᙮ ᓇᒧᐃ ᓈᐯᐤ ᒋᓇᓇᑕᔨᒫᐤ, ᒋᔐᒪᓂᑑ ᐁᐅᒄ ᓀᓇᑕᔨᒪᑦ᙮ ᐃᔅᑯᑕᒃ ᒫᒃ ᐱᔦᐦᑕᐦᒃ ᐊᓇᓈᔭᔅ ᐅᔫ ᐁ ᐃᑖᑲᓅᑦ ᒌ ᐊᑎ ᐸᐦᒋᔑᓅ ᑳ ᐊᑎ ᐴᓂᐱᒫᑎᓰᑦ᙮ ᒥᓯᐌ ᒫᒃ ᐊᓂᒌ ᑳ ᐯᐦᑕᐦᒀᐤ ᒌ ᓭᒋᓲᒡ᙮