Popular Bible Verses from JOHAN 13

Share

Thupêk thar ka nan pêk na hi, a dâwt ule; kei nih ka nan dâwt na hâwi hen, nannih khawm a dâwt u. Nanna dâwt chun, mi zawzawng nih ka ṭhiruai tla nan si ti chu lak chun an theih na lai,” a ti.

Kei, Lalpa leh Sîntirtu men nih nan kê ka ṭâwl chun, nannih khawm nih nan kê nanna ṭâwl piak ding asi. Nan tlûnah ka ti hâwi hen nannih khawm nih nan ti bâk ding hen zûnzauh ding ka nan pêk na asi.

Jisu nih a sinah, “Ka thilti hi tu ah na theih lo; nûnah na theih lai,” a ti le, a sâng.

Thungâi tak hen ka nan simh na, to-aw a pu ngâk hen a rokual lo; mifial khawm a fialtu ngâk hen a rokual lo.

Chubang thil chu nan theih chun, ti u le nan thaw a suak lai!

Chun, Jisu chu dawhkân ah mi a thawk le, a nipuan a tlûn mi thuang a lît le, chun thlan nâwtnâk puan a tâi ah a menh. Chun, mâihûm ah tî a tleng le, a ṭhiruai tla kê a ṭâwl le, thlan nâwtnâk puan â menh mi hen chun a nâwt vima na.