Popular Bible Verses from GENESIS 32

Share

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

Chu pa nih, “Hawng ka thlah rawh, nî a suak awt rawh,” a ti. Jakob nih, “Mal na ka sâwm lo chun ka nan thlah awt rerêng lo;” a ti.

amah lâwng hen dunglei ah a um rawh. Churawhchun, minung pakhat a hawng le, khuadei dêng tiang Jakob a paihpi.

Jakob nih, “Pathian mâitawnh hen ka muh le, ka thi lo,” Churuangah, chu mun chu a min ah Peniel a ti.

Chun, chu pa nih neh kho ding hen a muh lo rawh chun, Jakob kâwl a vuak piak le, a liahchân a pelh rawh.

Chu pa nih chun, “Na min âu?” ti hen a deih. “Jakob” ti hen a sâng.

Jakob nih, “Na min hawng ka simh,” a ti. Sikhawmsele anih nih a sâng le, “Zei rangah ka min theih ding na duh?” a ti. Churawhchun, Jakob rangah mal a sâwm rawh.

Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh.

Tûtiang hen Israel thlâk tla nih chun, êl liahchân tît an ei lo, chu lak chun Jakob chu vuak asi ruangah.

Churawhchun, Jakob nih thla a cham le, “Ka pu Abraham leh ka pa Isak Pathian, hawng ka ngâi piak: LALPA, ka ram le, ka unau leiah kîr nawlh ding hen na ka simh le, thil zeizawng ka rangah ṭha vima ding hen na ruat.

Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih.