Popular Bible Verses from EXODUS 2

Share

An rûm leh âi hâu theihtu Pathian nih chun Abraham, Isak leh Jakob sinah thu a tiamh mi chu a theihkumza. Israel tla sal an si mi chu a muh le, a siherh na.

Kum tam tak nûnah Aigupta lalchem chu a thi le, sikhawmsele Israel tla chu an sal sinâk ruangah rûm leh âi hen an um le, ṭangpi deih hen an âu. An âu hâu chu Pathian sinah a tleng rawh.

Chu nûnah chun ngâksia chu a hawng lian tâwk ual rawh le, lalchem fanu sinah a kalpi, anih nih amah fa rangah a nei rawh. A thinlung hen, “Tî lakah mi ka lâk ruangah a min ah Mosi ti hen ka sak lai,” a ti.

Lalchem fanu nih, “Hi nausêm hi lâk le, hawng ka zauhkhenh piak, a man kan pêk lai,” a ti. Churawhchun, nausêm chu a lâk le, a zauhkhenh rawh.

Lalchem fanu chu tak khawlh ding hen tiva ah a hawng le, a to-aw tla chu vakap ah an hawng. Bua nâwngah bâwm chu a muh le, mawhsareh hen a to-awnu a va lâktir.

Mosi chu a hawng lian vima le, a mi Hebrai mi tla va zauh na ding hen a suak le, rian hamh tak an ṭuantir na mi a muh rawh. Aigupta mi nih amah mi Hebrai minung a thah mi a muh rawh. Mosi nih a kiangkam â hâwi le, pakhat khawm minung an um lo ti a muh le, Aigupta minung chu a thah le, a ruak chu phildip ah a phûm ving.