Popular Bible Verses from Markos 13

Share

Samata, echi utara anak ne Ku reihei rengap gusu obitta no okai utara orowa no aetunne kusu ne: koroka, kesehe pakno yaishiporore guru anak ne, nei guru anak kashi-a-obiuki kusu ne na.

Ouse Michi patek eramʼan ruwe ne. Yairamatte wa shiruwande hemhem ki, inonno-itak hemhem ki yan: nei pakihi hembara ta an ya echi erampeutek ruwe ne gusu ne na.

Orowa, utara echi ani wa ekoshi ita, nekon a katu an itak ani ye ya, iteki etokota nishomap yan; koroka, nei pakihi ta nep ne yakka echi koropare an ambe ani echi ye kusu ne; echi yaikota ye itak shomo ne, Ashkanne Ramat ye itak ne ruwe ne gusu ne na.

Kando newa toi anak ne isam kusu ne: koroka, Ku ye itak anak ne isam shomoki kusu ne ruwe ne.

Koroka, nei toho hene, pakihi hene, eramʼan guru shinen isam, kando ta okai hauturumbe ka, Poho ka, eramu an shomoki.

Orowa, tumiram hene, tumiram assuru hene, echi nu chiki, iteki kimatek yan: tap okaibe hetuku kunip ne ruwe ne! Koroka, keseke anak ne naa shomo ruwe ne!

Tambe gusu, shiruwande yan: inambe gusu ne yakun, chisei kon nishpa hembara ta ek ya, shiri-onuman ita hene, an noshike ta hene, niwatori chikap hau koro ita hene, kunneiwano ita hene, echi eramushkare ruwe ne gusu ne na: ikineipeka ika Shinuma ekushkonna ek wa echi mokoro shiri anukara na. Echi otta Ku ye itak obitta no okai utara otta Ku ye :— Shiruwande yan.

Inambe gusu ne yakun, uirup anak ne uirup ko-tumi koro, moshiri anak ne moshiri ko-tumi koro: usa okai kotan ta shiri-shimoye an; kemush iki kusu ne: tap okaibe unuwap eatpake ne ruwe ne na.

Orowa, ingi moshirʼun uirup otta Pirika shongo hoshiki no aeupaskuma kusu ne na.

Inne utara Ku reihei ani hine araki wa, Kuani Shinuma ne, ari itak wa inne utara shiren wa kokandama kusu ne.

Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.

inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.

Koroka, nei toho ta nei aeramuchuptekbe aokere ita anak ne, tokap chup akunnere, kunne chup pekere atte shomoki, orowa nochiu anak ne kando orowa no rapapse, samata, kando un kiroro ashuyeshuye kusu ne.