Popular Bible Verses from Yoannes 5

Share

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Awa, Yesu anak ne shinuma hotke wa an shiri nukara chiki, samata, tane ohon no an shiri eraman koro, otta ene itak-hi :— Eani atumashnure rusui ruwe? ari itak.

Echi utara, anak ne Kamui kambi-sosh uwande ruwe ne, nei ambe gusu ramma okere shomoki inotu echi kon ruwe ne ani echi esanniyo ruwe ne gusu ne na nei ambe anak ne En gusu paweteshu ki ambe ne; orowa, inotu echi koro kuni gusu En orun echi araki shomoki ruwe ne.

Orota Yesu ene itak-hi :— Hopuni wa e koro atarape ani hine apkash yan, ari itak. Orowa, nani nei guru atumashnure wa koro atarape ani wa apkash nisa ruwe ne na.

Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.