Popular Bible Verses from Ibroniylar 1

Share

Oʻgʻil — Xudo shuhratining porlashi, Xudo borligʻining aniq suratidir. U Oʻzining qudratli kalomi bilan koinotni asrab turibdi. U Oʻz jonini fido qilib, bizni gunohlardan pokladi, soʻng samoda Ulugʻvor Xudoning oʻng tomonida oʻtirdi.

Xudo qadimda ota–bobolarimizga koʻp marta va turli tarzda paygʻambarlar orqali gapirgan edi. Bu oxirgi kunlarda esa U bizga Oʻz Oʻgʻli orqali gapirdi. Xudo koinotni Oʻgʻli orqali yaratgan va Uni butun borliqning vorisi qilib tayin etgan.

Axir, farishtalar bor–yoʻgʻi xizmatchi ruhlardir! Xudo ularni abadiy hayotdan bahramand boʻladigan odamlarga xizmat qilish uchun yuborgan.

Oʻgʻliga yana shunday degan: “Sen Rabbiysan, Azalda zaminning poydevorini Sen qoʻygansan, Samolarni Oʻz qoʻllaring ila yaratgansan. Ular yoʻq boʻlib ketar, Sen turaverasan, Yeru osmon kiyim kabi eskirib ketadi.