Popular Bible Verses from Qonunlar 30

Share

Bugun men sizlarga hayotni yoki oʻlimni, barakalarni yoki laʼnatlarni tanlash imkoniyatini berdim. Bunga yeru osmonni guvoh qilib chaqirdim. Hayotni tanlang, shunda oʻzlaringiz ham, avlodlaringiz ham yashaysizlar. Egangiz Xudoni seving, Unga quloq soling. Unga sodiq boʻling, chunki U sizning hayotingizdir. Egamiz ota–bobolaringiz Ibrohim, Isʼhoq, Yoqubga qasam ichib beraman degan yurtda sizning umringizni uzoq qiladi.

Men bugun sizlarga: “Egangiz Xudoni seving, Uning yoʻlidan yuring, Uning amrlariga, farmonlariga, qonun–qoidalariga rioya qiling”, deb buyuryapman. Shunda sizlar yashaysizlar, koʻpayasizlar, mulk qilib oladigan yurtingizda Egangiz Xudo sizlarga baraka beradi.

Bugun men sizlarga hayot bilan farovonlikni yoki oʻlim bilan kulfatni tanlash imkoniyatini beryapman.

Aksincha! Bu amr sizning yaqiningizdadir, ogʻzingizda, yuragingizdadir, shuning uchun uni bajara olasizlar.

Egangiz Xudo sizlarning yuragingizni, avlodlaringizning yuragini sunnat qiladi. Shunda siz Egangiz Xudoni butun qalbingiz bilan, jonu dilingiz bilan sevasiz, hayotga ega boʻlasiz.

Qiladigan har bir ishingizni Egangiz Xudo muvaffaqiyatli qiladi. Uvali–juvali boʻlasizlar, molingiz koʻpayadi, yeringiz hosili barakali boʻladi. Egangiz ota–bobolaringizga bergan farovonlikdan qanchalik mamnun boʻlgan boʻlsa, sizlarga beradigan farovonlikdan ham shunchalik mamnun boʻladi.

Lekin sizlarga shuni aytib qoʻyayki, agar yuragingizni Xudodan oʻgirsangiz, quloq solmasangiz, yoʻldan ozib, boshqa xudolarga sigʻinsangiz, ularga xizmat qilsangiz, sizlar albatta yoʻq boʻlasizlar. Iordanni kechib, mulk qilib oladigan yurtda koʻp yashamaysizlar.

Men bugun buyurayotgan amr sizlar uchun unchalik qiyin emas, yoki sizlar yetib bora olmaydigan darajada uzoqda emas.

U osmonda emaski, sizlar: “Kim biz uchun osmonga chiqib, amrni olib beradi, toki biz eshitib, bajarsak?” desangizlar.

U dengizning narigi tomonida emaski, sizlar: “Kim biz uchun dengizning narigi tomoniga borib, u amrni olib keladi, toki biz eshitib, bajarsak?” — desangizlar.