Popular Bible Verses from 1 Timoʻtiy 4

Share

Yoshsan deb, hech kim seni kamsitmasin. Aksincha, hammaning hurmatini qozonish uchun sen soʻzda, yurish–turishda, mehr–oqibatda, imonda va axloqda imonlilarga oʻrnak boʻlgin.

Axir, shunday bir maqol bor–ku: “Jismoniy mashq tana uchun foyda berar, xudojoʻylik esa har tomonlama foyda keltirar, u dunyoyu bu dunyoda hayot baxsh etar.”

Hayot tarzingga, nimalar oʻrgatayotganingga eʼtibor qil. Bu faoliyatingni astoydil davom ettir, shunday qilsang, oʻzingni ham, tinglovchilaringni ham qutqarasan.

Xudoning Ruhi yaqqol aytyaptiki, oxirgi zamonlarda baʼzi odamlar imondan qaytadilar. Ular yolgʻonchi ruhlarga va jinlar taʼlimotiga quloq soladilar.

Safsataboz kampirlarga xos bemaʼni afsonalardan yuz oʻgir. Xudojoʻy boʻlishga astoydil harakat qil.

Men oldingga borgunimcha jamoatda Muqaddas bitiklarni ovoz chiqarib oʻqishga, nasihat va taʼlim berishga vaqtingni bagʻishla.