Popular Bible Verses from Luuk 4

Share

“Kɔraawiizi Dumnanii izimbuu werge, dikuubɛɛwiai, u lizimbuu ń lizi amaniyesuma tɛɛ nyaara. U humimbuu ń wa ŋɔ hindɔɔi wia tɛɛ banla baŋ tɔ dia, di gil nyuŋŋa siwee pilli bá wer ra na. Di lizi banla banna sunni la, ba dɔma nonee biini, di ŋɔ nɛr maa be lugɔ saŋa la Kɔraawiizi n niŋ hiini baa la helloo.”

Yeesu ŋɔ u be, “Ba faa sɛbɔɔrɛ Kɔraawiizi Hɔŋ biini di ŋɔ, ‘A jaami Kɔraawiizi la hinna hum la bɛŋ.’ ”

Yeesu ŋɔ u be, “Ba sɛbɔɔrɛ Kɔraawiizi Hɔŋ biini, di ŋɔ, ‘Diwee bɛŋ lɛi ra tɛɛ nɛr miibɔɔ.’ ”

Kɔraawiizi Dumnanii izi Yeesu werge, di gil u lii Jɔɔdan muu paga la, u kpogluu zuu hɛribɔduma biini.

Yeesu ŋɔ u be, “Ba faa sɛbɔɔrɛ Kɔraawiizi Hɔŋ biini, di ŋɔ, ‘Gilɛɛ waa ɛɛ wia di ŋɔ í ɛɛ i Dɔɔri Kɔraawiizi la hinna hum la di na.’ ”

Sitaani n wa ɛɛ annii maa di da u zɛɛ guŋŋ wa tuŋ, u jaa giluu mɔɔ ka ŋmɛnɛbɛl ú kaa wa na bɔr kaa daruu.

Sitaani kaa kpogluu tinni bizeŋ nyuu, di gil u binni durnya kossi maa ni a girme. U wer na a maa kakpaŋ. Sitaani ŋɔ u be, “N daŋ kpa annii maa fɔŋŋa ni a girme tɛi. Mìŋ́ dɔɔ a maa fɔŋŋa ń kpa tɛɛ nɛr la maa minna nyiŋŋi. Awia, di i sɛɛwɔ lugɔ í sɛɛ n dɔɔra, di ra jaamiŋ lugɔ n ɛɛ Kɔraawiizii, n daŋ gil i dɔɔ a maa.” Yeesu ŋɔ u be, “Ba faa sɛbɔɔrɛ Kɔraawiizi Hɔŋ biini di ŋɔ, ‘A jaami Kɔraawiizi la hinna hum la bɛŋ.’ ”

Denii Sitaani kpogluu zuu bolzeŋ Jɛrusalɛm, di ga kpau chiŋŋi Kɔraawiizi Dia bɔr la n la chiŋ werge, ka ŋɔ u be, “Di i ɛɛ Kɔraawiizi Biibaal himmaanii, amɔ, í kutti lii bɔnnaa chol hɛri, dikuubɛɛwiai, ba faa sɛbɔɔrɛ Kɔraawiizi Hɔŋ biini, di ŋɔ, ‘Kɔraawiizi daŋ gil u mɛlikazi du i tau. A daŋ lallii chiŋ, í gilɛɛ wa kpa i naa ra lɔ bii.’ ” Yeesu ŋɔ u be, “Ba faa sɛbɔɔrɛ Kɔraawiizi Hɔŋ biini, di ŋɔ, ‘Gilɛɛ waa ɛɛ wia di ŋɔ í ɛɛ i Dɔɔri Kɔraawiizi la hinna hum la di na.’ ”