Popular Bible Verses from Матта 5

Share

Чыраны якып, габың ашагында гойян дәлдирлер. Оны чыраданың үстүнде гойяндырлар, шонда ол өйдәкилериң хеммесине ышык берйәндир. Гой, сизиң ышыгыңыз адамларың өңүнде парласын, шонда олар говы ишлериңизи гөрүп, гөкдәки Атаңызы шөхратландырарлар.

Сиз дүнйәниң ышыгысыңыз. Депеде гурлан шәхери гизләп болмаз.

Калбы пәклер багтлыдыр, чүнки олар Худайы гөрерлер.

Догрулыга аҗыгып-сувсанлар багтлыдыр, чүнки олар доюп-ганарлар.

Эмма Мен сизе диййәрин: душманларыңызы сөйүң, өзүңизи ызарлаянлар үчин дога-дилег эдиң.

«Рухы гарыплар багтлыдыр, чүнки Гөгүң Шалыгы оларыңкыдыр.

Парахатлык дөредйәнлер багтлыдыр, чүнки олара Худайың огуллары дийлер.

Гусса чекйәнлер багтлыдыр, чүнки олара гөвүнлик берлер.

Догрулык үчин ызарланянлар багтлыдыр, чүнки Гөгүң Шалыгы оларыңкыдыр.

Рехимлилер багтлыдыр, чүнки олара-да рехим эдилер.

Мен себәпли адамларың сизе сөген, ызарлан, нәхак ере хер хили гыбатыңызы эден махалы багтлысыңыз! Шатланың, бегениң, себәби гөклерде алҗак сылагыңыз улудыр. Сизден өң пыгамберлер-де шейдип ызарландылар.

Юмшак адамлар багтлыдыр, чүнки олар ер йүзүни мирас аларлар.

Сиз ериң дузусыңыз, эмма дуз тагамыны йитирсе, ол нәме билен дузланар? Дашары зыңлып, аяк астында депеленмекден башга хич зада ярамаз.

Шейлеликде, гөкдәки Атаңызың кәмил болшы ялы, сиз хем кәмил болуң».

Сизиң „хаваңыз“ хава, „ёгуңыз“ ёк болсун. Мундан артыгы шейтандандыр.

Сиз: „Гөз орнуна гөз, диш орнуна диш“ дийленини эшиденсиңиз. Эмма Мен сизе диййәрин: ярамаз адама гаршы дурма. Сениң саг яңагыңа урана, бейлеки яңагыңы-да тут.

Саг гөзүң сениң гүнә этмегиңе себәп болса, оны согруп ташла. Бир сынаңың ёк болмагы тутуш гөврәңиң довзаха атылмагындан говудыр. Саг элиң сениң гүнә этмегиңе себәп болса, оны кесип ташла. Бир сынаңың ёк болмагы тутуш гөврәңиң довзаха ташланмагындан говудыр.