Popular Bible Verses from Marcos 7

Share

Sabap magpanggaring kat nakem it taw i muꞌsang maraꞌe-raꞌet nga pagpikiren, nga magtaban it taw kat mga itu ngaytung pagbuwaten. Esa, iyan pagbuwaten nang lagi it ega paꞌ nagꞌasawa i nagꞌasawa lamang i mapakay nga muwat. Baw mga itu paꞌ gasiꞌ, panakaw, pangimatay, pamakun duꞌun it ega asawa mu, kaꞌingarum baw beken pang karaꞌe-raꞌetan nga subuk pangakal, pagsumbayaꞌ it kaꞌiꞌirgan nga maraꞌway it egay maski unu nga pagsupil it sadili, kaꞌinggit, panibabaꞌ, pataꞌas-taꞌas, baw ega pagpaꞌabwatayen i pikir. Muꞌsa ngaytu, magpanggaring kat nakem it taw, baw iyan nay magparaꞌway it kanya kat panleteg it Ampuꞌang Diyus.”

Ega iyan magseled kat baꞌbaꞌ it taw i magparaꞌway it kanya kat panleteg it Ampuꞌang Diyus, in daꞌga iyan ampang nga maraꞌe-raꞌet nga magliꞌwan kat baꞌbaꞌ ya.

Katubag si Jesus, “Talagang matuud i isiyugid ni Isaias ngayting prupitaꞌ it tagnaꞌ pasar it imyu. Magbete-beteꞌ kamu lamang nga magpamayaꞌ it Ampuꞌang Diyus, subung nat isiyurat ya ngayan nga ampang it Ampuꞌang Diyus nga magꞌaat, ‘Pagsirbi baw pagsamba it aken it itung mga taw, kat munung nira lamang, nga egay kamatuudan nga pagmaꞌal nirat aken.

Talagang egay kapulusan it pagsamba nirat aken. Ka iyan ipiyagꞌurdin it taw lamang, ipagpabetang na nira nga urdin na kunuꞌ it Ampuꞌang Diyus.’

Matuud nga pagꞌindiꞌan mi na i mga urdin it Ampuꞌang Diyus, ka yanay ipiyatindeg mi nga pagsunudun, mga siyubli-subli mi ngaytu nga ipagpanulduꞌ, nga paꞌiguꞌ-iguꞌ lamang it taw.”