Popular Bible Verses from Marcos 6

Share

Temed it dakel siꞌ i mga taw nga maggaring baw magꞌaꞌabut-aꞌabut, maski pagkaraꞌnen na Jesus baw mga alagad ya ngayti, daꞌsira na magkapagkaraꞌnen. Aypaꞌ ka inaat ni Jesus i mga alagad ya ngayti, “Magayen paꞌaduꞌun tami daꞌan it rugar nga alaid it taawan, isaꞌun kapapaꞌna.”

Aypaꞌ maat ni Jesus it kanira, “Iyan prupitaꞌ, paggalangen baw pagꞌistimaren kanyat magayen it muꞌsang taw, magpuyra kat sadili ya nga lansangan baw kat mga kaduguꞌan baw sadili yang pamalay-balay.”

Aypaꞌ pagpanlampud ni Jesus duꞌut inabutan ya ngayti nga rugar, dakel siꞌ i naltegan ya nga taw. Nasanguꞌan yay mga taw ngayti ka subung na lamang sira it mga tupa nga egay manigꞌeper. Aypaꞌ nagpapuꞌun siꞌ si Jesus it tumulduꞌ it kanira it dakel na nga mga bagay.

Ta it atkayti, egay nabwat ni Jesus duꞌun nga mga kalililuꞌan nga bagay, in daꞌga iti lamang, pirang kataawan nga magsarut i tiyapal ya ka piyagayen ya sira. Naliluꞌ si Jesus ka ega magpamayaꞌ sira. Liyekep-lekep na ni Jesus i mga baryu duꞌut iti nga rugar ka nanulduꞌ duꞌun.

Inangut ni Jesus i limang batu ngayting tina-tinapay baw duwang batu ngayting seda-sedaꞌ. Yimnaꞌngad kanya duꞌun it langit ka nagpasalamat duꞌun it Ampuꞌang Diyus. Bawnga biyagiꞌ-bagiꞌ yay tinapay ngayti, ipiyakawaꞌ yat mga alagad ya ka ipanundul nira duꞌun it mga taw ngayti. Atnaga i duwang batu ngayting sedaꞌ ka ipiyanundul gasiꞌ. Nakakaꞌen i muꞌsa baw namagkaꞌgen. Rininut it mga alagad i naꞌpedan nga tinapay baw sedaꞌ ngayting biyagiꞌ-bagiꞌ, napnuꞌ i sang puluꞌ may duwang kabaꞌayan.