Popular Bible Verses from Marcos 14

Share

“Amaꞌ, Amaꞌ ku,” maat ya, “talagang mabwat mu i muꞌsang bagay. Sana ega na ipatabus muy pagdadarapaꞌen ku ngaytu nga kakuriꞌan. Temed ega aken nga kaꞌirgan i masunud, in daꞌga imu nga kaꞌirgan.”

Magayen indaꞌegen mi i kuꞌigaꞌ baw manalangin kamu, isaꞌun daꞌkamu daꞌgen it maraꞌe-raꞌet in sukdanan i pamayaꞌ mit aken. Sabap kat nakem mi, kupamayaꞌ kamu nga matuud, temed yay magꞌenget, kaꞌirgan it bilug mi nga subuk ega kupamayaꞌ ka malubay.”

Matuud talagay iꞌaat ku ngaytut imyu. Maski ariyen i pangadalan it Magayen ngaytung Baritaꞌ situt sinirungat langit, masangpit nagaytu i binwat ya ngaytut aken, nga yanay piyakaꞌarandeman it kanya.”

Inaat yay tulu ngayti, “Talagang magkasusa aku nga banar nga subung it ipatay ku na. Esa-esa ga, melat kamu na daꞌan sikaytu baw ayaw kamut igaꞌ. Paꞌlek kamu daꞌan.”

Iyan mamagkaꞌen na ngayti sira, kimnuꞌmit si Jesus it tinapay bawnga nagpasalamat duꞌun it Ampuꞌang Diyus. Pagkapasalamat ya, biyagiꞌ ya na bawnga ibinggay duꞌun it mga alagad ya ngayti. Maat ya, “Iya, kawaꞌen mi ka kaꞌnen mi, ka bilug kuytu.”

Bawnga iꞌimnan siꞌ i singkel ya. Pagkatupus it panalangin nga pasalamat ya, ibinggay ya sit kanira. Mininum nga muꞌsa i mga alagad ya. “Iyan ngayan,” maat ni Jesus, “duguꞌ ku yan nga keseg it pakiꞌupakat it Ampuꞌang Diyus kat mga taw. Ka ipaturuꞌ kuy duguꞌ ku isaꞌun dakel i mapasinsiya.

Uyut it mga inampang ni Jesus it iting delem i sasar ya nga magꞌaat, “Kayti nga delem, muꞌsa kamu, kumurang i pamayaꞌ mit aken. Tananan mi nayan aku. Ka subung nat inaat ngayan duꞌun it isiyurat nga ampang it Ampuꞌang Diyus ngayan, nga magꞌaat, ‘Imatayen ku i manigꞌeper. Aypaꞌ baraꞌan it mga tupa, matari-tariwanak na.’

Bangun kamu na ka tami na. Wayan nay dimnagang ngayan it aken!”

Pagtubag ni Jesus, maat ya, “Kamatuudan tuy iꞌaat kut imu, Pedro, nga kayti ngaytu nga delem, parabir tumaraꞌuk i manuk it ikadwa, tulu na nga paylu mu sabap it aken.”