Popular Bible Verses from Mateo 24

Share

Lemkep talaga it banwa i karaꞌe-raꞌetan. Aypaꞌ baraꞌan ya, dakel na i demekeyeꞌ nga pagmaꞌal nirat aken. Temed iyan maneꞌteꞌ i pagsarig baw pamayaꞌ yat aken seked it maꞌbut nay umur, siguradu yan nga maribri.

Baw ilkep nga ipangadal kat sinirungat langit i Magayen ngaytung Baritaꞌ pasar it kaꞌadiꞌan it Ampuꞌang Diyus, isaꞌun matantuwan it muꞌsang bangsa. Bawnga iyan paꞌ i umur nat banwa.

Makabaritaꞌ kamu yan it mga kaguluwan baw gira-giraen. Takaꞌ ega palibegan it pikiran mi, sabap talagang magꞌabut i mga itu ngaytu temed ega payan umur it banwa.

Sabap magira-giraen yan i mga bangsa, mga kaꞌadiꞌan kuntraꞌ it beken nga kaꞌadiꞌan. Gemtem it masaki-sakit na nga mga getem baw yemegyeg i lugtaꞌ kat paꞌari-aring rugar. Takaꞌ muꞌsa ngaytu, papuꞌun lamang tu it kakuriꞌan.

Mabut i timpu nga maꞌawaꞌ i langit baw banwa, temed talagang egay kaꞌawaꞌan it mga ampang ku, matuman nga muꞌsa.

Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayan nga siyarigan it Ampuꞌang Diyus.’ Talagang dakel yan i mateꞌag-teꞌag nira.

Talagang isgan kamu it kadakel sabap it pamayaꞌ mit aken. Idimanda kamu isaꞌun mapakuriꞌan baw maꞌimatay. Kat timpu ngayan, dakel nayan nga mangindiꞌ it pamayaꞌ nirat aken baw mamagkuntra-kuntraꞌen na. Ilangen nat esa may esa i masigkataw ya. Dakel nayan i manluꞌsut nga magpapru-prupitaꞌ. Dakel nayan i teꞌag-teꞌagen nira nga pamayaꞌ it mga taw.

Katubag si Jesus, maat ya, “Magꞌintur kamu nga ega mateꞌag-teꞌag kamu it maski siyu.

Aypaꞌ magꞌaꞌalistu kamu nga pirmi, sabap mabut aku nga Taga Langit nga Ipiyanganak it Taw kat uras nga ega pagsisiguruun mi.”

Aypaꞌ ka magrigen-rigen kamu nga pirmi, sabap ega magkaꞌru-kaꞌrutan mi in kaꞌnung aldaw paꞌasitu i Ampuꞌan mi.

Temed egaytu i magkaꞌrut it aldaw u uras nga iꞌabut kaytu, maski mga anghil duꞌun it langit u maski aku nga Anak it Ampuꞌang Diyus. Iyan Amaꞌ lamang, kanya i magkaꞌrut kaytu.

Sabap dakel talaga yan i mangambuꞌ it Cristo na kanya, baw may manluꞌsut payan nga magpapru-prupitaꞌ. Palteg sira it mga tandaꞌanan baw muwat sira it mga kalililuꞌan nga mga bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

In magꞌuꞌunu ega kat ulu it mga taw kat timpu ni Noe i panriga nga mabut it kanira, atkayan naga kat pamaꞌuliꞌ situ it aku nga Taga Langit nga Ipiyanganak it Taw. Sabap iyan ega paꞌ miyabut i lenep nga ikiyatunaw it banwa, ega pagdedemdemen it mga taw i mabetangan nira. In daꞌga mamagkaraꞌnen-karaꞌnen, mamagꞌinum-inum baw mamagꞌasa-asawaen i katataawan seked it nagpasakay na si Noe duꞌun it binwat ya nga sakayan. Aypaꞌ pagꞌabut it lenep ngayti, egay tiya-tiyakap it katataawan. Ta unupat biyaraꞌan, namagkalmes sira nga muꞌsa ka isiyari nat belbeg. Atkayan naga yan i magꞌabut in pangabut na ngayan it Taga Langit nga Ipiyanganak it Taw.